【姐捉的不是精靈，是青春！】
站在高地既登高者先行一行開
幾多人話pokemongo無聊毒都根本玩都未玩過
未試過一樣野既人係無資格批評果樣野。
今日我終於深深感受到PokemonGo既可愛之處
全間公司身邊朋友whatsapp group facebook都係講緊佢
您沒法逃避，而pokemongo就帶畀您同人既無限話題
呢幾日喺公司同左啲無乜兩句既同事都有野傾了
而且同朋友同情人捉精靈原來都好熱血
今晚我地一行五人一齊從灣仔行去維園
呢一晚我地係擁有共同目標既同行者
大家互相支持，我朋友仲借埋佢另外部電話畀我
(因為我自己果部有問題捉唔到) 媽呀～人間有愛我感受到
喺維園時突然見到百幾二百人突然狂奔
據說有卡比獸，然後我們竟然一齊跑過去
全個維園既人都圍住個小公園捉卡比獸
果個場面好震撼呢～雖然我最後都捉唔到...
但見識到呢堆小智既瘋狂我都覺得好high，被燃燒了
捉卡比獸既時候隔離既陌生男仔都撩我地講野
耶～人家都是第一次被陌生男仔搭訕咋
究竟有無人因為pokemongo溝到女！
我真係唔知捉完精靈進化完打埋比賽，咁又點
我都好相信不久將來大家都會熱情減退，包括我
但重要咩？人生好多事情本來就是徒勞無功
最重要係咩呀？係過程呀！
中秋節年宵書展呢啲細個最期待既日子
依家人大了，行兩行就累了
亦都開始討厭太多人，開始覺得都無咩特別
開始對呢啲失去熱情
同朋友不再一齊做無聊事，同朋友都再沒有共同目標
然後今日居然有好L多人同您一齊熱血做一件事
做一件其實無咩意義無咩得著既事
而您卻覺得好好玩好滿足，咁仲唔夠咩～
Search